Jane kyon hawa hai chalti
jane kyon dadkan hai badti
kya chai hai madhushala ki madhoshi
jane kyon mujhe tu hai dikhti.
Tere chehre ki yeh laali
Jaise pankti ho gulab ki
Yeh tere ankhon ki khamoshi
Dastak ho jaise sailaab ki
Chu kar kano ki yeh baliyan
Jane kya mujhse hai kehti
Kya baji hai kanahiya ki bansi
Jane kya radha hai kehti
Milne ki to aarzoo nahin
Phir bhi ek tamanna ho aai hai
Shahnai ki ek mehfil main
Tu meri hokar aai hai
Is deewane dil ki dadkane hai anmol
Har ek main jo tu hai basati
Kya chaya hai ranjhe ka suroor
Jane kyon tu heer ban sakti
Khwabo ko bhi hamse naarazgi ho gai
Neend ne hamse naata toda hai
Bhook pyaas harsh ullas chodkar
Dard ke bandhan se naata joda hai
Nayanon ki dharon main kya na baha
Par dikhta raha har pal tera chehra
Aur is chehre ki masumiyat ne
Saza dekar laga diya pehara
Darde diwaar main hamein rehna manzoor hai
Jo teri ankhen nahin hai sesakti
kya chai hai madhushala ki madhoshi
jane kyon mujhe tu hai dikhti.
